பல நன்மைகளை அள்ளி தரும் கருஞ்சீரகம்

தோல் நோய்களுக்கு இது ஒரு சிறந்த மருந்து. கருஞ்சீரகம் பொடி செய்து கரப்பான் மற்றும் சொரியாஸிஸ் நோய் இருப்பவர்கள் தேய்த்து குளித்து வரலாம். புண்களால் ஏற்படும் தழும்புகளும் மறையும். குளியலுக்கு பயன்படுத்தும் பொடிகளில் கருஞ்சீரகத்தை அரைத்து சேர்த்து, பயன்படுத்துவது நல்லது.

  • கருஞ்சீரக பொடியை ஒரு தேக்கரண்டி அளவு எடுத்து, சுடுநீரில் கலந்து, சிறிதளவு தேனும் சேர்த்து காலை, மாலை இருவேளை பருகினால் சிறுநீரக கல் மற்றும் பித்தப்பை கற்களும் கரையும்.
  • கருஞ்சீரகத்தில் “தைமோகியோனின்” என்ற வேதிப்பொருள் உள்ளது. இது சிறந்த நோய் எதிர்ப்பு சக்தியை அளிக்கிறது. இதில் உடலுக்கு நன்மை செய்யக்கூடிய கொழுப்பு உள்ளதால் கெட்ட கொழுப்பு குறையும். ஒவ்வாமையும் நீங்கும்.
  • ஒரு தேக்கரண்டி கருஞ்சீரகத்தை தூள் செய்து 50 மி.லி. தேங்காய் எண்ணெய்யில் சூடு செய்து, வடிகட்டி அதில் இரண்டு துளி மூக்கில் விட்டால் மூக்கடைப்பு நீங்கும்.
  • கருஞ்சீரக எண்ணையை பயன்படுத்துவதால் நமக்கு இளநரை ஏற்படுவதை தடுக்கலாம். மேலும் இளநரை இருப்பவர்கள் இதனை உபயோகித்தால் இளநரை கருமையாக மாறும்.
  • இந்த கருஞ்சீரகத்தில் அதிக அளவு ஆன்டி-ஆக்சிடென்ட்கள் இருப்பதன் காரணமாக நம்முடைய தலை முடி உடைவதை தடுக்கிறது,
  • நம்முடைய தலை முடி வளர காரணமான ஸ்கல்ப்பை இது பாதிப்படையாமல் பார்த்து கொள்ளும். இதனால் நமக்கு முடி வளர்வது அதிகமாகும்.
  • கருஞ்சீரகத்தில் நறுமண எண்ணெய் உள்ளது. அது வயிற்று உப்புசம் மற்றும் வலியை நீக்கி, கழிவுகளை எளிதாக வெளியேற்றும் தன்மை கொண்டது. இரைப்பையில் பக்டீரியாவால் உண்டாகும் நோய்த் தொற்று மற்றும் குடலில் உள்ள தேவையற்ற பூச்சிகளை அழிக்கும்.
  • தொடர் இருமல் மற்றும் ஆஸ்துமா நோயால் துன்பப்படுகிறவர்கள் ஒரு தேக்கரண்டி கருஞ் சீரக பொடியை தேன் மற்றும் அரை தேக்கரண்டி அரைத்த பூண்டு விழுதுடன் கலந்து சாப்பிட வேண்டும். இது நுரையீரலில் உருவாகும் சளியை அகற்றும்.
  • புற்று நோய்க்கும் கருஞ்சீரகம் நல்ல மருந்தாக செயல்படுவதாக பல்வேறு ஆய்வுகள் மூலம் நிரூபணமாகி உள்ளது. குறிப்பாக கணையப் புற்று நோயை கட்டுப்படுத்துவதில் இது பெரும் பங்கு வகிக்கிறது.

Leave a Reply

Your email address will not be published. Required fields are marked *