விரதம் என்றால் என்ன

இந்து சமயத்தில் விரதம் என்பது உண்ணாமல் இருத்தல் அல்லது உணவைச் சுருக்குதல் எனப்படுகிறது. நோன்பு, உபவாசம் என்பவை விரதத்துடன் தொடர்புடையதாகும்.

உபவாசம் என்பது இறைவனின் பெயரை நினைத்து அவனருகே வசித்தல் என்றும், அவனின் நினைத்து தியானித்து, பல நாட்கள் உண்ணாமல் இருப்பதாகும்.

விரதம் என்பது ஒரு விசேஷ நாளில் ஒரு குறிப்பிட்ட தெய்வத்தை நினைத்து ஐம்புலனை அடக்கி, உண்ணாமல் இருக்கும் நிலை ஆகும்.

விரதம் இருப்பதால் மனம், புத்தி, உடல் முதலியவை தூய்மை அடையும் என்பது பெரியோர்கள் கூறுகின்றனர்.

மனம் பொறிவழி போகாது நிற்றற் பொருட்டு,

உணவை விடுத்தேனுஞ் சுருக்கியேனும் மனம்,

வாக்கு, காயம் என்னும் மூன்றினாலும்

🔯கடவுளை மெய்யன்போடு விதிப்படி வழிபடுதல் விரதமாகும்.

  • ஆறுமுகநாவலர்.

🔯விரதத்தில் இரண்டுவகைகள் உள்ளன.

  1. சாகம் (எதிர்ப்பார்ப்புடன் செய்வது) 2.நிஷ்காம் -(எதிர்பார்ப்பு இல்லாத நிலை)

🔯விரதம் இருப்பவர்கள் கடைப்பிடிக்க வேண்டிய முக்கிய விஷயங்கள்.

🔯நாம் நினைத்த காரியங்கள் நிறைவேறவும், மன நிம்மதி கிடைக்கவும், நம் வாழ்வில் எல்லா செல்வங்களும், பொருளாதார நிலை உயர இறைவனை நினைத்து இருப்பது விரதம்.

நம் தேவைக்கு ஏற்றவாறும், நம் விருப்பமான தெய்வத்தை வழிபடுவதும், அவர்களை நினைத்து விரதம் இருக்கும் முறை எப்படி, விரதத்திற்கு முன் என்ன செய்ய வேண்டும், என்ன செய்யக் கூடாது என்பதைப் பார்ப்போம்.

🔯விரதம் எப்படி இருக்க வேண்டு, என்ன செய்யக்கூடாது?

  1. விரதம் இருக்கும் முந்தைய நாளே வீட்டை நன்றாக கழுவி, மெழுகி, கோலம் போட்டு தயார்ப்படுத்த வேண்டும்.
  2. விரதம் இருக்கும் நாளில் கண்டிப்பாக கோபப்படுதல் கூடாது.
  3. பூஜை அறையை முதல் நாளே நன்றாக சுத்தம் செய்து புனிதமான அறையாக மாற்றவும்.
  4. சுவாமி படங்களுக்கு சந்தனம், குங்கும பொட்டு வைக்கவும்.
  5. விரத தினத்தில் அதிகாலை வீட்டை சுத்தப்படுத்தி, குளித்து சுத்தமான ஆடையை அணியவும்.
  6. பூஜை தொடங்கும் போது எந்த தெய்வத்திற்காக விரதம் இருக்க நினைத்தாலும் பரவாயில்லை, முதலில் விநாயகரை வணங்கிக் கொள்ளவும்.
  7. அனைத்து தெய்வங்களுக்கும் மலர்களை சூடுங்கள்.
  8. எந்த தெய்வத்தின் அனுக்கிரகம் பெற வேண்டி விரதம் இருக்க நினைக்கிறீர்களோ அந்த தெய்வத்தின் படத்தை, விநாயகப்பெருமானின் படத்திற்கு அருகில் வைக்கவும்.
  9. பூஜை அறையில் ஐந்து முக விளக்கு ஏற்றி கவச (கந்த சஷ்டி கவசம்) பாராயணம் செய்து வணங்கவும்.

8.பெண்கள் மாத விலக்கு ஏற்பட்டிருந்தால் அவர்கள் 8 நாட்கள் கழித்து விரதத்தை மேற்கொள்வது நல்லது.

  1. விரத நாளில் கண்டிப்பாக மாமிசம் சாப்பிடக் கூடாது.
  2. விரதம் இருக்கும் நாளில் கண்டிப்பாகத் தம்பதிகள் தாம்பத்திய உறவில் ஈடுபடக் கூடாது.
  3. விரத நாளில் எந்த தெய்வத்தை நினைத்து விரதமிருக்கின்றீர்களோ, 24 மணி நேரமும் அந்த தெய்வத்தை சிந்தையில் நிறுத்திக் கொள்வது அவசியம்.
  4. அந்த தெய்வத்திற்குரிய மந்திரங்கள், ஸ்லோகங்கள், தெய்வ புராணக் கதைகளை படிக்கலாம்.
  5. முடிந்தால் 5 பேருக்காவது அன்னதானம் செய்யலாம்.


🔯விரதங்களின் வகைப்பாடுகள்.

💫முக்கிய எட்டு வகை விரதங்கள்.

🔯அதிகிரிச்சா விரதம்

🔯சந்தாபண விரதம்

🔯மஹாசந்தாபண விரதம்

🔯தப்த கிரிச்சா விரதம்

🔯பிரசமத்திய (அ) கிரிச்சா விரதம்

🔯சாந்தாராயன விரதம்

🔯பராக விரதம்

🔯பதகிரிச்ச விரதம்

என 8 வகை உள்ளன.

🔯இந்து மதத்தில் குறிப்பிடப்படும் 27 விரத வகை.

  1. உமிழ்நீரைக் கூட விழுங்காத விரதம் உண்டு. இதை யோகிகள் மட்டும் கடைப்பிடிப்பார்களாம்.
  2. தேன் அல்லது இளநீர் இவற்றில் ஒன்றை மட்டும் எடுத்துக் கொண்டு உபவாசம் இருப்பது.
  3. பசும்பாலை மட்டும் அருந்தி விரதம் இருத்தல்.
  4. நீரை மட்டும் அருந்தி 12 நாட்கள் உணவு எடுக்காமல் உபவாசம் இருத்தல்.
  5. காலை நேரம் மட்டும் உணவு எடுத்துக் கொள்ளுதல்.
  6. பகல் நேரம் மட்டும் உணவு எடுத்துக் கொள்ளுதல்.
  7. இரவு நேர உணவை மட்டும் சாப்பிட்டு உபவாசம் இருத்தல்.

விரதத்தின் 27 வகைகள்

8.) 3 நாட்கள் தொடர்ந்து காலை உணவு மட்டும் எடுத்து உபவாசம் இருப்பது.

9.) 3 நாட்கள் தொடர்ந்து பகல் உணவு மட்டும் எடுத்து உபவாசம் இருப்பது.

10.) 3 நாட்கள் தொடர்ந்து இரவு உணவு மட்டும் எடுத்து உபவாசம் இருப்பது.

11.) வெறும் பசும்பால் மட்டும் அருந்தி 21 நாட்கள் கடுமையான விரதம் இருப்பவர்கள் உண்டு.

12.) 3 நாட்கள் பகல் வேளையில் மட்டும் மூன்று கைப்பிடி உணவை மட்டும் எடுத்துக் கொண்டு உபவாசம் இருப்பது.

13.) 3 நாட்கள் இரவு வேளையில் மட்டும் மூன்று கைப்பிடி உணவை மட்டும் எடுத்துக் கொண்டு உபவாசம் இருப்பது.

14.) ஒருநாள் பகல் நேரத்தில் எள்ளு உணவு மட்டும் உணவாக எடுத்துக் கொண்டு உபவாசம் இருப்பது.

விரதத்தின் போது எதை சாப்பிடலாம்

15.) ஒருநாள் இரவில் மட்டும் பசும்பால் மட்டும் அருந்தி விரதம் இருப்பது.

16.) ஒருநாள் முழுவதும் மோர் மட்டும் அருந்தி உபவாசம் இருப்பது.

17.) ஒரு நாள் மோரை மட்டும் அருந்தி உபவாசம் இருத்தல்.

18.) ஒரு நாள் முழுவதும் நீரை மட்டும் அருந்தி உபவாசம் இருப்பது.

19.) ஒரு நாள் முழுவதும் புழுங்கல் அரிசி வறுத்து நன்கு பொடி செய்து அதில் நெய், தேங்காய் துருவல், சர்க்கரை ஆகியவை போட்டு பிசைந்து பொரிமாவு செய்து அதை மட்டும் சாப்பிட்டு உபவாசம் இருத்தல்.

20.) ஒரு நாள் முழுவதும் திணை மாவு மட்டும் எடுத்துக் கொண்டு உபவாசம் இருப்பது.

வில்வ இலை நீர் விரதம்

21.) தேய்பிறையில் ஆரம்பித்து வளர்பிறை முடிந்து மீண்டும் தேய்பிறை ஆரம்பிக்கும் நாட்கள் வரை, தினமும் ஒரே ஒரு கைப்பிடி அன்னத்தை மட்டும் சாப்பிடுவதும், அதன் பின்னர் வரும் சுக்லபட்சம் வரை ஒவ்வொரு கைப்பிடி அன்னத்தை அதிகமாக்கிக் கொண்டு, சுக்ல பட்சம் முடிந்த பின்னர் மீண்டும் ஒவ்வொரு கைப்பிடி அளவு அன்னமாக குறைப்பது என உபவாசம் இருப்பது உண்டு.

22.) ஒரு நாள் முழுவதும் வில்வ இலையை போட்டு வைத்த நீரை மட்டும் அருந்து உபவாசம் இருப்பது.

உணவுடன் கூடிய விரதம்

23.) ஒரு நாள் முழுவதும் அரச மர இலையை போட்டு வைத்த நீரை மட்டும் அருந்து உபவாசம் இருப்பது.

24.) ஒரு நாள் முழுவதும் அத்தி மர இளந்தளிர்களையும் போட்டு வைத்த நீரை மட்டும் அருந்து உபவாசம் இருப்பது.

25.) இரு வேளை உணவை எடுத்துக் கொண்டு உபவாசம் இருத்தல்.

26.) முதல் நாள் பகல் வேளை உணவு மட்டும் எடுத்துக் கொண்டும், மறுநாள் இரவு நேர உணவு மட்டும் எடுத்துக் கொண்டு உபவாசம் இருத்தல்.

27.) மாமிச உணவுகள், மசாலாக்கள் இல்லாத சுத்தமான சைவ உணவுகளை மட்டும் குறைந்த அளவு எடுத்துக் கொண்டு உபவாசம் இருப்பது.

விரதத்தின் போது சேர்க்கக் கூடாதது

பூண்டு, வெங்காயம், வாழைக்காய், பெருங்காயம் ஆகியவை சேர்க்காத உணவுகளை மட்டும் சாப்பிட்டு உபவாசம் இருத்தல்.

இதில் எந்த உபவாச விரதம் கடைப்பிடிப்பது நல்லது. இருப்பினும் ஒருவரின் உடல் நிலை, ஆரோக்கியத்தைக் கருத்தில் கொண்டு மேலே குறிப்பிட்ட உபவாசத்தை நீங்களே தேர்வு செய்து கொள்ளலாம்.

பொதுவாக உணவு எடுத்துக் கொள்ளாமல், நீர் மட்டும் அருந்தி இருப்பதற்கு பெயர் தான் உபவாசம். அது தான் உன்னதமான விரத முறையாகும்.

🔯அமாவாசை விரதம் யார் இருக்க வேண்டும்?

ஆண், பெண்களுக்கான விரத முறை

🔯விஷேச நாட்களும் விரதமும்.

🔯ஒவ்வொரு தெய்வங்களுக்கு உரிய விசேஷ தினங்கள் உள்ளன. அப்போது அந்த தெய்வங்களை வணங்கி, அவரின் அருளைப் பெறும் விதமாக விரதம் இருப்பது வழக்கம். உதாரணமாக விநாயகர் சதுர்த்தி, மகா சிவராத்திரி, கிருஷ்ண ஜெயந்தி, ராம நவமி, சஷ்டி விரதம், ஐயப்பனுக்கான கார்த்திகை மாத விரதம் என பல விரதங்கள் உள்ளன.

விரதத்தை ஆன்மிக ரீதியாக மட்டுமல்லாமல். அறிவியல் ரீதியாகவும் உடலுக்கும், உள்ளத்திற்கும் உகந்தது என்கின்றனர்.

உலகில் மனிதனுக்கு போதும் என்ற எண்ணம் தோன்றுவது உணவருந்தும் போது தான்.

ஒருவர் வயிறு நிரம்பி, மனதார வாழ்த்தினால் அனைத்து செல்வங்களும் தேடி வரும்.

Leave a Reply

Your email address will not be published. Required fields are marked *